ပွတ်သူရဲကောင်း တို့၏ ဒဏ္ဍာရီ

တစ်ရက်သားပေါ့ဗျာ။
မောင်ဗြိ တစ်ယောက် ပန်းဆိုးတန်းမှာ ဝက်သား တုတ်ထိုးစားတယ်။
ဘေးမှာက ဂျင်းပန်အတိုလေး ဝတ်ထားတဲ့ လုံးတုံးကျစ်ဖွံ့ ခေတ်ကလေးမကြီး တစ်ယောက် လည်း ထိုင်စားနေရဲ့ဗျာ။

ဝက်သား တုတ်ထိုးလေး တစ်ချောင်းကို အချဉ်နဲ့ နှစ်လိုက်၊ ကြက်သွန်ဖြူလေး ကိုက်လိုက်၊ ရေနွေးကြမ်းလေး ငှဲ့ပြီး တစ်ဖူးဖူးမှုတ် သောက် လိုက်နဲ့ မောင်ဗြိ တစ်ယောက် ဇိမ်ကျ နေတုန်း ပေါ့။

ဗြုန်းဆိုဘေးက ကလေးမကြီးရဲ့ ဝက် သားတုတ်ထိုး ကိုင်ထားတဲ့ လက်တစ်ဖက်ဟာ မောင်ဗြိ ငှဲ့ပြီး အအေးခံ ထားတဲ့ ရေနွေးကြမ်းပန်း ကန်လုံးထဲ ဝင်လာတာဗျို့။
နယ်ကျော် ဝင်လာတဲ့ ဒီတုတ်ထိုးချောင်း ကြီးကြောင့် မောင်ဗြိတစ်ယောက် မျက်လုံးရော၊ ဘာရော အကုန်ပြူးကုန်တယ်။
အလိုတစ်ခုခုတော့မှားနေပြီဗျို့။
ဘယ်လိုဖြစ်တာတုံး ဆိုပြီး ကလေးမကြီး ကို သေချာကြည့်တော့.. သူက သူ့ရှေ့က လက်တစ်ဝါးစာ ဖုန်းပြားလေး မျက်နှာပြင်မှာ မျက်စိရောက်နေတာကိုဗျ။
ဖုန်းပြားကို ဝက်သားတုတ်ထိုးခုံပေါ် တင်..တစ်ဖက်က ပွတ်လိုက် တစ်ဖက်က
ဝက်သားတုတ်ထိုး စားလိုက်လုပ်နေတာကိုး။

ဒီတစ်ချီမှာတော့ ဝက်သားတုတ်ထိုးကိုင် ထားတဲ့လက်ဟာ ပစ်မှတ်ဖြစ်တဲ့ အချဉ်ခွက်ကို လွဲချော်ပြီး မောင်ဗြိရဲ့ ရေနွေးခွက်ထဲ အလည် ရောက်လာတာပေါ့။
သူက သူ့ အာရုံနဲ့ သူဗျ…ပစ်မှတ်လွဲနေ တာ မသိရှာဘူး။ ရေနွေးကြမ်းခွက်ထဲကို ဝက် သားတုတ်ထိုးအချောင်းကြီး နစ်ပြီး မွှေတောင် မွှေနေလိုက်သေး။
မောင်ဗြိလည်း ဘာပြောလို့ ပြောရမှန်း မသိတော့ ပါးစပ်လေး အဟောင်းသားပေါ့။
ကလုံ..ဆိုပြီး ဖုန်းက အသံလေးလည်း မြည်လာရော..ကလေးမကြီးက ခွိခနဲ တစ်ချက်ရယ်တယ်။
ပြီးတော့ ရေနွေးခွက်ထဲက ဝက်သားတုတ် ထိုးချောင်းကို ထုတ်တယ်..သူ့ပါးစပ်ထဲကို ထိုးထည့်တယ်။
သွားပြီ။
ပထမတစ်ကြိမ်ဝါးတယ်။ နောက် ဒုတိယ တစ်ကြိမ်ထပ်ဝါးကြည့်တယ်။ တတိယမြောက် ကျ ပါးစပ်ကို ပိတ်ပြီး အရသာခံကြည့်တယ်။
ပြီးတော့ ကျွန်တော့်ဘက်ကို အီလည် လည်နဲ့ လှည့်ကြည့်တယ်။ ကျွန်တော့်ရှေ့က အချဉ်ခွက်ဘေးမှာ ငှဲ့ထားတဲ့ ရေနွေး ပန်းကန် လုံးကိုကြည့်တယ်။ ပြီးတော့ ကျွန်တော့်ကို ဘုကြည့်ကြည့်တယ်။
အသားမှာ ဝက်၊ အသီးမှာ သရက်၊အရွက် မှာ လက်ဖက်ဆိုတဲ့ စကားပုံရှိသဗျ။
အခု ကလေးမလည်း လက်ဖက်ရည်ကြမ်း ထဲ ထည့်နှပ်ထားတဲ့ ဝက်သား အရသာကို သိသွားပြီ ထင်ပါ့ဗျာ။
တုတ်ထိုးသည်လေး ကို ရန်ထောင်ပြီး ပိုက်ဆံရှင်း ထထွက်သွားလေရဲ့ ။
ထမထွက်သွားခင် ကိုယ်ကို သူက ပြော သွားသေးတာ။
”သောက်မှန်ကြောင်…သိရဲ့သားနဲ့ မပြောဘူး”တဲ့
မတတ်နိုင်ဘူးလေဗျာ။ သူရဲ့ တစ်ဖက်က ပွတ်၊ တစ်ဖက်က စားတုတ်ထိုး အော်ပရေး ရှင်းဟာ မြန်လွန်း လှတော့ မောင်ဗြိ ဘာမှ မပြောနိုင်ခင် သူ့ပါးစပ်ထဲ လက်ဖက်နှပ် ဝက် တုတ်ထိုးကြီး ရောက်သွားသကိုးဗျ။

အဲ့ဂလိုရယ်ပေါ့ဗျာ။

မောင်ဗြိတို့ နိုင်ငံမှာ တဖြည်းဖြည်းနဲ့ ပွတ်ဆရာ ပွတ်ဆရာမတွေ တယ်များလာ သကိုး။
များဆို မတ်ဇူကာဘတ် ဆိုတဲ့လူတီထွင်ခဲ့ တဲ့ ဖေ့ဘွတ် ဆိုတာရယ်၊ ဆင်းကဒ်တစ်ကဒ် မှ ထောင့်ငါးရာ ပေးရတဲ့ တယ်လီဖုန်းတွေရယ် ပေါ်လာကတည်း ကပဲ မဟုတ် လား။

ဆိုတော့ကာ..နေရာတကာ တွေ့နေရ တာလည်း ပွတ်လူတွေနဲ့ချည်းပဲ ။

ဘတ်စ်ကားပေါ်လည်း ပွတ်၊ လမ်းသွား ရင်းလည်းပွတ်၊ မီးပွိုင့်မိရင်းလည်း ပွတ်၊ ရဲစခန်း လည်းပွတ်၊ ဆေးရုံလည်း ပွတ်၊ နောက်ဆုံး တရားပွဲတောင် တစ်ပွတ်တည်း ပွတ်နေ ကြတာ ကလား။

အခု အစိုးရသစ် လက်ထက် ရက်တစ်ရာ စီမံကိန်း ဆိုတာကြီး အတွင်းမှာတောင် ထင် ထင်ရှားရှား ပေါ်လာကြတာက ဖေ့ဘွတ်ပေါ် က ပွတ်သူရဲကောင်းတွေ မဟုတ်လားဗျ။

တစ်ခေတ်တစ်ခါ ကတော့ မောင်ဗြိတို့ နိုင်ငံမှာ နိုင်ငံရေးတို့၊ ဘာသာရေးတို့၊ လူမျိုး ရေးတို့ တစ်ခုခု လုပ်မယ်ဆို တကယ့် မြေပြင်မှာ ပြည်သူလူထု ကြားဝင်ပြီး လုပ်ကြ ရတာကိုး။

တက်ကြွ လှုပ်ရှားသူတွေဟာ လူထုကြားထဲ တရားတွေဟော၊ လူထုကြားထဲ ဆန္ဒတွေပြ၊ လူထုကြားထဲ ထုတ်ဖော်ခဲ့ ကြရတာ။
အဲ့ဒီအခါကျ ဖမ်းခံရသူတွေလည်း ဖမ်းခံရ။ ထောင်ကျသူလည်း ကျပေါ့ဗျာ။
ဒါပေမဲ့ အဲ့ဒီခေတ်က နိုင်ငံရေးသမား တွေဟာ သူတို့ ယုံကြည်ချက် အတွက် ထောင် ကို အိမ်လိုမှတ်ပြီး ဝင်လိုက်ထွက်လိုက် လုပ်နေ တာဗျ။
အဲ့..အခုခေတ် ဖေ့ဘွတ်ပေါ်မှာ နိုင်ငံ ရေးလုပ်နေတဲ့  ပွတ်သူရဲကောင်းကြီးတွေ ကလား။
ဘယ်ခေလိမ့်မတုံးဗျာ။
ရဲစွမ်းသတ္တိမှာတော့ မဟာဗန္ဓုလနဲ့ နပိုလီယံ စပ်ကျထားသလိုကိုး စွမ်းတာ။
လူသူကင်းမဲ့တဲ့ ညကြီးမိုးချုပ်ဆိုလည်း အဲယားကွန်းခန်းထဲမှာ စောင်ကြီးခြုံပြီး ဖေ့ဘွတ် ပေါ်မှာ စစ်ထွက်တိုက်ကြလား တိုက်ရဲ့။
မိုးတဝုန်းဝုန်း လေတဝုန်းဝုန်းကြားထဲ ဘီယာဆိုင်မှာ စီးကရက်ဖွာပြီး ဖေ့ဘွတ်ပေါ်မှာ အမျိုးဘာသာအတွက် မီးတွေရှို့ကြလား။ ရှို့ ရဲ့။
သူတို့တင်တဲ့ စတေးတပ်စ်တွေမှာ လိုက်ခ် ဆိုပြီး ထောင်နေတဲ့ လက်မလေး အခု နှစ်ရာ ကျော်လာပြီလား။
ဒါဆို သူရဲကောင်းကြီးတွေ ဟာ.နိုင်ငံ တော်ရဲ့ ကယ်တင်ရှင်ကြီးတွေ၊ တော်လှန်ရေး ခေါင်းဆောင်ကြီး၊ နိုင်ငံရေး ကျွမ်းကျင်သူကြီး တွေ၊ အမျိုးသားရေး သူရဲကောင်း ကြီးတွေ အဖြစ် ဘဝပြောင်းကုန်ကြရောဗျ။

အဲ့ဒီအခါကျ ငါ နှင့် ငါသာ တုနှိုင်းစရာ သူရဲကောင်းဟေ့ ဆိုပြီး လက်သီးလက်မောင်း တန်း ..ဖေ့ဘွတ် ပေါ်ကနေ ဆဲရေးခြင်းဖြင့် ခေတ်မီနိုင်ငံတော်ကြီး တည်ဆောက် ကြပါလေ ရော။

အလို..ဒီလိုဖြင့် ဆိုက်ဘာလောဆိုတာ ကြီးနဲ့ ဖမ်းမယ်ဆီးမယ် ဆိုရင်တဲ့လား ။

ဟယ် ဒီအာဂသတိခဲတွေ ဟာဖြင့် ဘာမထီ စိတ်ထားတဲ့ အသဲ မာလိုက်ပုံများ ပြောမနေ နဲ့။
စိန်ခေါ်ရင် တိမ်ပေါ် အထိတက်မယ့် သူရဲ ကောင်းတွေပီပီ အိမ်က အမေ့ကို ခေါ်၊ ကန် တော့ပွဲကို ရွက် ၊ မျက်နှာကို ဆီးရွက်လောက် မာန်ချီပြီး သွားကုန်း ကန်တော့ လိုက်သပေါ့ ဗျာ။

တချို့လည်း ဖေ့ဘွတ်ပေါ် မှာတုန်းက တုတ်ဆွဲ ဓားဆွဲနဲ့ လူမိုက်ကြီး စတိုင်ဖမ်းပြီး တရားစွဲ အဖမ်းခံရမှ မျက်နှာသေလေးတွေ မှိတ်တုတ် မှိတ်တုတ်နဲ့ လူမမာ စတိုင် ဖြစ်သွား ကြသပေါ့။

တချို့ကလည်း စိတ်တိုင်းကျဆဲပြီး ဂါတ် တဲရောက်မှ မြင်သမျှလူကန်တော့ပွဲနဲ့ လိုက် တောင်းပန်နေတာလည်း ရှိသပါ့ဗျာ။
ကိုင်း အဲ့ဒီလိုမျိုး  ပွတ်ရင်းဆဲရင်းဖြင့် မှတ် တမ်းဝင်သွားသော ပွတ်သူရဲကောင်းကြီး တွေရဲ့ ဒဏ္ဍာရီက ဘယ်လောက်အထိ ရှည်လျားနေမယ် မသိဘူး။
အောင်မယ် သူများကိုသာပြောနေတာ။

မောင်ဗြိလည်း အခု ဘတ်စ်ကားပေါ်မှာ ထိုင် ဖုန်းလေး ပွတ်ပြီး အခု သရော်စာလိုလို ကလော်စာလိုလို ဟာကို ရေးနေတာဗျ။
”မှတ်တိုင်ပါလားဗျို့..မှတ်တိုင်”
”ပါတယ် ပါတယ်”
ကိုင်း..မှတ်တိုင်ရောက်ပြီဗျို့။ ရေးလက် စလေး ခဏဖြတ်..ဆင်းလိုက်ဦးမဗျာ။
”အား.. .မသာကောင်.. ဘယ်ကို လာဆွဲ တာလဲ.. ဒီမှာ ကျွန်မ နားဆွဲကို လာဖြတ်လုနေ တာပါတယ်ဗျို့”
သေပြီဗျို့။
ဖုန်းပွတ်ကောင်းကောင်းနဲ့ ထိုင်နေရာ က လှမ်းထပြီး ဘတ်စ်ကား အပေါ်တန်းက လက်ကိုင်ကွင်း အမှတ်နဲ့ ဆွဲထလိုက်တာ။
လား..လား..ဘေးနားမှာ မတ်တတ် ရပ်နေတဲ့ ဖုအစ် ထုထစ်နေတဲ့ မဒီမကြီးရဲ့ နားမှာ တွဲလောင်းကျနေတဲ့ နားကွင်း အကြီးကြီး ဖြစ်နေပါရောလားဗျာ..။
ကိုင်း..ကျုပ်လည်း ဂလောက်ဆို ပွတ်
သူရဲကောင်းစာရင်းဝင် သွားပြီမို့…ပြေးဘီဗျို့။

ဗြိတိသျှကိုကိုမောင်

Both comments and pings are currently closed.