ရောဂါ

ပြောင်းလဲချိန်တန်ပြီ။ ခေတ်ပြောင်းပြီ။ ဒီမိုကရေစီရောင်နီပျို့ပြီ။ အဟောင်းတွေဂျောင်း ၍ အကောင်းတွေပြောင်းပြီ။လက်သန်းမင်စွန်းရ ကျိုးနပ်ပြီ။ အားရည်-ဝမ်းသာသည်-ကျေနပ် သည်-နှစ်သက်သည်-ပီတိဖြစ်သည်-လက် ခမောင်းထခတ်ချင်သလိုလို-သစ်ပင် ပြေးတက် ချင်သလိုလို-ကမ္ဘာမှာ မြန်မာဟေလို့ အော်ရမယ့် နေ့ မကြာခင်ရောက်တော့မည်။ မြန်မာ့အစွမ်း ကမ္ဘာတစ်ဝန်း သိကြရမည်။ မြေကမ္ဘာတုန်ဟည်း စေရမည်။ ကမ္ဘာ့အလယ်မှာ တင့်တင်တယ်တယ် ဥဒေါင်းပျိုမသဖွယ်ြ<ွကာြး<ွကားဝံ့ဝံ့ ငွားငွားစွင့်စွင့် ဖြစ်တော့မည်။ စီးပွားရေးမိုးထိုးမည်။ ကျန်းမာ ရေး ဖိတ်ဖိတ်တောက်မည်။ ဖွံ့ဖြိုးမှုက အံ့မန်း လျှမ်းလျှမ်းတောက်ရမည်။ ရှိပြီးသားအရှေ့ တောင်အာရှကျားတွေ မြန်မာနှင့်တွေ့လျှင် အမြီးကုပ်သွားစေရမည်။ မြန်လည်းမြန် မာလည်းမာသည့်တို့ကို ဤဘဒ္ဒကမ္ဘာမှာ ယှဉ်နိုင်သူမရှိ-ယှဉ်ဝံ့သူ နထ္ထိ-ကျား-ယား-ဂါး။ငတို့သည် ရှေးအတိတေကတည်းက တကောင်း အဘိရာဇာ တို့ဗမာ သာကီမျိုးတွေဖြစ်သည်။

အာဒိစ္စ ကုလ သမ္ဗူတော-နေမင်း၏အဆက် အသွယ်ဖြစ်တော်မူထသော ဘုရားလောင်းမဟာ သမ္မတမင်းမှ အလောင်းဘုရားထိ မင်းဆက် ပေါင်း သုံးသိန်း သုံးသောင်းလေးထောင်ခာက်ရာခြောက်ဆယ့်ကိုးဆက်တိုင် အပြတ် အလတ် အခြားအနားမရှိဘဲ သာကီဝင်မှ တိုက် ရိုက် ဆင်းသက်သောအမျိုးဖြစ်သည်။ နယ်နယ် ရရမမှတ်သင့်-ပြာမှေးမီးခဲလို ခဏ တိမ်မြုပ်ချင် မြုပ်မည်။

အရင်းစစ်တော့ ဘုရားမျိုးစင်စစ် ဧကန်ဖြစ်သည်ကိုး။ပညာ သမာ-အာဘာ နထ္ထိ-ပညာနှင့်တူသောအလင်းရောင်သည်မရှိဆိုသည်ကိုလည်း ရှေးအတိတေကတည်းကÓဏ်ကြီးသည့် ငတို့တွေ အသေအချာ သိခဲ့ကြသည်။ သို့ကလို ကြောင့်လည်း ရေလမ်း ကြည်းလမ်း သေနင်္ဂ ကျမ်းများကိုတတ်ကျွမ်းသိ လိမ္မာအောင်၊ ပညာသင်ရန် လူငယ်ငါး၊ ဆင်းရွယ်ရူပ၊ တင့်တယ်လှသော၊ မြန်မာအမျိုးသားတို့ကို၊ ရပ်ခြားဒေသရှည်ဝေးလံ၊ ပညာဆီမီး၊ ထိန် ပြောင်ညီးလှသော၊ ပြည်ကြီး အီတာလျှံ ထိပို့ ကာ ပညာသင်စေခဲ့ဖူးသည်။

အရပ်ရှည်ခြင်း အဆငလှခြင်းတို့အပြင် အရေးကြီးလှသော တော်ကြီးဘုရား မင်းတော်သားတို့၏ သား-တူ-ညီ-များကို အသေအချာ စိစစ်ရွေးချယ်၍ နိုင်ငံခြားသို့ ဂျပန်-ယိုးဒယားတို့နှင့် အပြိုင် လွှတ်ခဲ့သည်ကော။ ပေါက်မြောက်အောင်မြင်မှု ရှိမရှိက တစ်ကဏ္ဍပေါ့။ ထိုအချိန်မှစ၍ ပညာ ရေးကို စဉ်ဆက်မပြတ်အားပေးလာခဲ့တာ ခေတ်အဆက်ဆက်။

ဟိုလိုလုပ်ရင်ကောင်း မည် ဒီလိုလုပ်ရင်ပိုကောင်းမည်ဟု မပြတ်တမ်း ကြံဆကာ သင်ရိုးလေးတွေ ကောင်းသထက် ကောင်းအောင် ပြောင်းပြောင်းကြည့်ရင်း တက္ကသီလာ မြကျွန်းသာဆိုတာတွေကို လွင်တီး ခေါင်ပြင်တောသို့နှင်ရင်း စာတတ်မြောက်မှုနှုန်း ကိုးဆယ်ရာခိုင်နှုန်းကျော်ခဲ့သည်။ သို့ကလို ကြောင့် မြန်မာပြည်မှာ လူမှန်လျှင် ဘွဲ့ပါသည်။ မြင်မြင်လေသူ ပါရဂူဖြစ်သည်။ တွေ့တွေ့သမျှ ပါမောက္ခဖြစ်သည်။ ပညာရေး၏ လားရာက ဝင်းဝင်းတောက်နေသည်။ တောက်လွန်း၍ လောင်ကျွမ်းသွားမှာပင် စိုးရချည့်။
မြေပေါ်မြေအောက် ရေပေါ် ရေအောက် လေပေါ်လေအောက် သယံဇာတတွေ ကြည့်ဦး မလား။အပြည့်အသိပ်-တနင့်တပိုး။ မြန်ပြည် တစ်လွှား ကိုယ့်အိမ်မှတ်ပါ ကိုယ့်ယာမှတ်ပါ ဆိုခြင်းကြောင့် အစွမ်းကုန် အိမ်မှတ် ယာမှတ် ဘူဒိုဇာမှတ် ဘတ်ဟိုးမှတ်လိုက်ကြတာ တောင် တောတွေရှင်းပြီး အဝီစိထိ ဆီပူခတ်နိုင်သည့် တွင်းတွေပေါ်လာအောင် အပြင်းအထန် ကြိုးပမ်းအားထုတ် ခုတ်ထွင်ရှင်းလင်း တူးဖော် လိုက်ကြတာ ကြက်သီးမွေးညင်းများပင် ထလု ခမန်း။စီးပွားရေးကို ရှုချေဦး။ လူတကာ သြချရ မည့် တစ်ခုတည်းသော အစုရှယ်ယာတွေ တွင်တွင်ရောင်းသည့် စတော့အိတ်ချိန်းဆို တာကြီးပေါ်ပြီ။ စီးပွားရေးဦးမော့လာပြီ။ ကား တွေတဝှီဝှီစီးကြပြီ။ တဂျိန်းဂျိန်းတိုက်ကြပြီ။ တသောသော သေကြပြီ။ ဆင်းရဲသားများကို ကြိုးတုပ် ပင်လယ်ထဲမျှောရင်း ဆင်းရဲ မွဲတေမှုကို အမြစ်ဖြတ်မည်။

၁၈၅၉ ဧပြီ ၂၈ မှာ နန်းသစ် ဆောက်ပြီးသည့်အုတ်ကျစ်ကျော်အေး မန္တလေး – ၁၈၆၁ ဧပြီ (၈) မှာ မှန်နန်းတော်ကြမ်းကို ဆေးလိပ်မီးကစပြီးလောင်လို့ ဘုရင်ပါ ဆင်းပြေး ရသည့်ဥပမာထုံးနှလုံးမူကာ လူစည်ကားသည့် ဈေးမှန်သမျှ လောင်မီးကျ၍ ရှေးထုံးကိုမပယ် ကြောင်း ပြရမည်။ နိုင်ငံတကာ အကူအညီတွေ ဝက်ဝက်ကွဲလာမည်။ အစိုးရသစ်လုပ်သမျှ ကိုယ့်အိတ်ထဲကငွေ မထွက်သရွေ့ ပက်ပက်စက် စက် ထောက်ခံမည်။ ပါးစပ်ဖြင့် ချွေတာကြမည်။
အခွန်ကတော့ လူကြီးမရှိသေးလို့ ကန်တော့ ပါသေးရဲ့။ နောက်များမှပေါ့။

တိုးတက်ဖို့ဆိုလျှင် ညီညွတ်ကြရမည်။ ရှေးအတိတေကတည်းက ငတို့တွေ ညီညွတ်ကြ တာ ကမ္ဘာအသိ။ ဘိုင်ဆပ်ကို ငပိန်မွှေလို့ သေပစေ ဒီမျက်ပြဲ လူတိုင်းကော်လို့ဆဲ ဆိုသည့် စာချိုး အတိုင်း ဆွမ်းကြီးလောင်းကြလျှင် တညီတညွတ်တည်း လက်မနှေးစတမ်း အစွမ်းကုန် တစ်တပ်တစ်အား ပါဝင်ဆင်နွှဲတတ်သည်ကိုး လေ။ အများညီ ဤကို ကျွဲဖတ်ရင်း ညီညွတ် ရေးနှင့်အသက် ရှည်ရှည် ခင်ခင်မင်မင် နေထိုင် တတ်ကြသည်ကိုး။အို…ဘယ်လိုပဲဖြစ်ဖြစ် ပြောင်းလဲချိန်က တော့ တန်ပြီမဟုတ်လား။

ဆေးလိပ်ကုမ္ပဏီက ကင်ဆာဖောင်ဒေးရှင်းထောင်မည်။အရက် ကုမ္ပဏီက ဆေးရုံထောင်ပေးမည်။ ပြည်သူ့ ကျန်းမာရေးဆိုတာကို တစ်တပ်တစ်အားဖြည့် ဆည်းရချိမ့်မည်။ ဆေးလိပ်အက်တို့ကိုစတနာဖြင့်ရောင်း၍ ကြင်ကြင်နာနာ ရောဂါကု ပေးမည်။ ရေနုတ်မြောင်းတွေ ဆည်မည်။ ဆေးရုံတွေ တံမြက်စည်းလှဲမည်။ ရောင်းသူမဲ့ အအေးဆိုင်တွေ ထောင်မည်။ မောင်းသူမဲ့ ဘတ်စ်ကားတွေ ထောင်မည်။ တောင်းသူမဲ့ ဖုန်း တောင်းစားတွေ နေရာအနှံ့ပေါ်စေမည်။
ကိုယ် ကျင့်တရားကောင်းရမည်။ မေတ္တာပန်းတွေ ပွင့်လန်းစေရမည်။

ကြီးသူကို ရိုသေမည်၊ ရွယ်တူကိုလေးစားမည်၊ ငယ်သူကို သနားမည်၊ ဟီရိသြတ္တပ္ပတရား လက်ကိုင်ထား၍ လူတိုင်းကို ကြင်ကြင်နာနာ ပွေ့မည် ဖက်ည်။ အပြောင်းအလဲမှာ အရေးပါ အရာရောက် စေဖို့ အရေးမပါတာတွေကိုလုပ်ပြရင်း မိမိကိုယ် မိမိ ပွဲထုတ်ရမည်။ ပညာရဲရင့် ပွဲလယ်တင့်စေရ မည်။ တိုးတက်ဖို့ အစွမ်းကုန် ကြံဆောင်မည်။ လူဆိုတာကြံရင်းနှင့် သေမည်။

အပြင်းအထန်ကြိုးစားလျှင် တိုးတက်မည်မှာ ဧကန်မုချမလွဲ။ တိုးတက်ခြင်း မတိုးတက်ခြင်းကို ပြသနိုင်သည့် စီမံကိန်း ရှိရှိမရှိရှိ၊သတင်းအချက်အလက် ရရ မရရ၊ တိုးကိုတိုးတက်ရမည်။ မတိုးတက် တိုးတက်အောင် ကြံဆောင်မည်။ မြန်မာဆိုတာဒီလိုလူမျိုးပါလားဟု အားလုံး သိစေရမည်။ ဗိုလ်ချုပ်အောင်ဆန်းကတော့ ရှေကတည်းက ဒါကို ကင်ပွန်းတပ်ခဲ့သည်။ကာက်ရိုးမီး ရေတက်ငါးစင်ရိုင်း ရောဂါတဲ့။

 

  သင့်လူ

 

 

 

Both comments and pings are currently closed.