ရခိုင်၊ မြန်မာတေးသွားတွေနဲ့ ပရိသတ်တွေရဲ့ စိတ်အာရုံကို ချည်နှောင်နိုင်သူ

 

ဒီတစ်လရဲ့ Music Diary မှာတော့ ချစ်ခင်မြတ်နိုးရာတေးသွားတွေကို ရေးသားဖော် ကျူးရင်း အနုပညာလောကထဲမှာ နှစ်ရှည်ကြာ ဖြတ်သန်းနေတဲ့တေးရေးတေးဆို ညီမင်းခိုင်ရဲDiary စာမျက်နှာတွေကို ဖတ်ရှုခံစားရမှာပဲ ဖြစ်ပါတယ်။ ရခိုင်လူမျိုးတိုင်းရင်းသားတစ် ယောက်ဖြစ်တဲ့အတွက် Popသီချင်းတွေအပြင် ရခိုင်သံစဉ်တေးသံချင်းတွေကိုပါ ရေးသားသီကုံး လျက်ရှိတဲ့ ညီမင်းခိုင်ကတော့ သီချင်းတွေကို ၂ဝဝ၁ ခုနှစ်မှာ စတင်ရေးသားခဲ့တာဖြစ်ပြီး ဂီတလောကထဲကိုတော့ ၂ဝဝ၆ ခုနှစ်မှာ ရခိုင် သီချင်းတွေနဲ့ စတင်ဝင်ရောက်လာခဲ့တာပဲ ဖြစ် ပါတယ်။

ညီမင်းခိုင်က တစ်ကိုယ်တော်တေးစီးရီး တွေ အဖြစ်ရခိုင်သီချင်းစီးရီး ၁ ခွေ၊ မြန်မာတေး စီးရီးတွေဖြစ်တဲ့ ‘လက်ခံမလား’၊ ‘အနောက်ဘက် က ထွက်တဲ့နေ’ အခွေတွေကို ကိုယ်တိုင်ရေးသား သီဆိုထားပေမဲ့လည်းရန်ကုန်ပရိသတ်တွေက တော့ တေးရေးဆရာတစ်ယောက်အဖြစ် ပိုသိ ထားကြပါတယ်။ ရခိုင်လိုဆိုရင်လည်း အချစ်၊ မိဘအကြောင်း၊ ဘဝအကြောင်း၊ ဒေသန္တရအလှ အပတွေအကြောင်းတွေကိုအရေးများတဲ့ တေးရေးတေးဆို ညီမင်းခိုင်က မြန်မာ့   သီချင်းပရိ သတ်တွေကြားမှာ ‘နွယ်နီ’ နေရာတစ်နေရာ ယူထားနိုင်သူတစ်ဦး ဖြစ်ပါ တယ်။

ဂီတနဲ့ပတ်သက်လို့ ရိုးရိုးသားသား ကြိုးစားနေပြီး အသန့်ရှင်းဆုံးရပ်တည်နေလျက် ရှိတဲ့ ညီမင်းခိုင်ကတော့ သွေးသားထဲမှာ ဂီတ ကို လုပ်ချင်စိတ်ရှိနေသရွေ့ ရှေ့ဆက်သွားဦးမှာ ဖြစ်ပါတယ်လို့လည်း သူ ပြောပြခဲ့ပါတယ်။ အခုလက်ရှိမှာ ရခိုင်သီချင်းတွေ အရေး နည်းနေပြီး မြန်မာသီချင်းတွေအရေးများနေတဲ့ ညီမင်းခိုင်ရဲ့ Music Diary စာမျက်နှာတွေကို အတူတူဖတ်ရှုခံစားကြရအောင်နော်။

ဇာလောက်ဆိုးဆိုး


ရခိုင်မှာ ကျွန်တော့်ကို ညီမင်းခိုင်လို့စပြီး သိစေခဲ့တာကတော့ ‘ဇာလောက်ဆိုးဆိုး’ ဆိုတဲ့ သီချင်းပါ။ မြန်မာလိုဆိုရင်တော့ ‘ဘယ်လောက် ဆိုးဆိုး’ ဆိုတဲ့ အဓိပ္ပာယ်ပါပဲ။ အဲဒီသီချင်းကို ကျွန်တော့်ရဲ့ ‘အနောက်ဘက်ကထွက်တဲ့နေ’ စီးရီးထဲမှာ မြန်မာလိုပြန်ဆိုထားပါတယ်။ အဲဒီ သီချင်းကို ကျွန်တော်၂ဝဝ၉  ခုနှစ်လောက်မှာ စရေးခဲ့တာပါ။ ပထမကတော့ ကိုဥက္ကာဦးသာ က ချမ်းချမ်းဆိုဖို့အတွက် ရေးပေးဖို့ ပြောလို့ ဒီသီချင်းကို ရေးဖြစ်ခဲ့တယ်။

ဒါပေမဲ့ ချမ်းချမ်း က မဆိုဖြစ်ခဲ့ဘူး။ ဒါနဲ့ပဲ ကိုဥက္ကာဦးသာက သူ့ရဲ့ညီမလေး ထက်ထက်ဦးသာကို ဆိုခိုင်းခဲ့ တယ်။ ဒါပေမဲ့ ကျွန်တော်ရေးထားတဲ့mood နဲ့ လွဲနေတယ်။ ကိုဥက္ကာက သူ့ညီမလေးကို အကြွလေး ဆိုခိုင်းချင်တာ။ ဒါပေမဲ့ ကျွန်တော် က အနှေးပုံစံလေး ရေးထားတာပါ။ဒီတော့ သူဆိုထားတာကို        ကြားလိုက်ရတဲ့အခါမှာ စိတ် ထဲ တစ်မျိုးကြီးဖြစ်သွားလို့ ၂ဝ၁ဝ က ‘စိုင်း တရားမြင်းခွာသံ’ မှာ အဲဒီသီချင်းကိုညမြန်မာလို ပြန်ဆိုလိုက်တယ်။ အဲဒီအရှေ့မှာလည်း ၂ ခွေ၊ ၃ ခွေလောက် ဆိုဖူးတယ်။ ဒါပေမဲ့ ရခိုင်တွေ ထဲမှာတော့ ကိုယ့်ကို ၃ ပုံ ၁ ပုံလောက်ပဲ သိကြ သေးတာပေါ့။ ဒီသီချင်းထွက်လာတဲ့အခါမှာမှ အကုန်လုံးက လက်ခံကြပြီး ‘ညီမင်းခိုင်’ လို့ ပိုသိသွားကြပါတယ်။

ရခိုင်ကနေ မြန်မာ၊ မြန်မာကနေ ရခိုင် သီချင်းတွေကို version ပြန်ပြောင်းရတဲ့အခါမှာ တချို့သီချင်းတွေက ပြောင်းရတာ မလွယ်ဘူးဗျ။ မြန်မာလိုစရေးတဲ့ သီချင်းတွေကို ရခိုင်လို ပြောင်းရတာက နည်းနည်းလွယ်တယ်။ ဒါပေမဲ့ ရခိုင် mood နဲ့ ရေးထားတဲ့ စကားလုံးတွေ၊ သံစဉ်တွေကျတော့ ပြောင်းရတာ       အရမ်းခက် တယ်။ ပြောင်းရလည်း မကောင်းတော့ဘူး။ ဒါကတော့ သီချင်းတိုင်းလိုလိုလို့ ပြောလို့မရပါ ဘူး။ အဲဒီသီချင်းကလည်း အရမ်းslow ဖြစ် လွန်းတော့ သူငယ်ချင်းတွေကတောင် ပြောကြ တယ်။ မြန်မာလိုနားထောင်တာ နားယဉ်နေပြီ။ ရခိုင်လိုဆိုတော့ နားထဲမှာမစွဲဘူးဆိုပြီးတော့ သူငယ်ချင်းအဆိုတော်တွေကိုယ်တိုင်က ဒီသီ ချင်းပေါက်မှာ မဟုတ်ဘူးလို့ ထင်ကြတယ်။

ဒါပေမဲ့ ဒီသီချင်းက တဖြည်းဖြည်းနဲ့တော့ အောင်မြင်လာခဲ့ပါတယ်။ အမှတ်တရအနေနဲ့ အဲဒီသီချင်းကို ကျွန်တော် မြန်မာလိုပြန်ဆိုတော့သိပ်နားမစွဲကြဘူး။ ရခိုင်သီချင်းကို နားထောင် ဖူးတဲ့ပရိသတ်တွေက တစ်မျိုးကြီးပဲလို့ ပြောကြ တယ်။ ဒီသီချင်းက အချစ်သီချင်းလေးပါပဲ။ ဘယ်လောက်ဆိုးဆိုး မင်းအပေါ်မှာ ကိုယ်ချစ် နေမယ်ပေါ့။ မင်းအတွက်ဆို ကိုယ်က အမြဲ တမ်းအဆင်သင့်ရှိပြီးသား၊ မင်းကိုယ့်အပေါ်မှာဘယ်လောက်ဆိုးဆိုး အချစ်မလျော့ပါဘူး။ မင်းနဲ့ပဲ လက်တွဲချင်တယ်၊ ဘာတွေပဲဖြစ်ဖြစ် အန္တရာယ်တွေကို အကုန်ရင်ဆိုင်မယ်လို့ အဓိပ္ပာယ်ရတဲ့ အချစ်သီချင်းမျိုးလေးပါပဲ။

ပန်လာခဲ့ပါ


ဝိုင်းစုရဲ့ ‘ပြန်လာခဲ့ပါ’ သီချင်းကတော့ ၂ဝဝ၉ လောက်မှာပဲ ရေးဖြစ်တာပါ။ အဲဒီတုန်း က ဝိုင်းစုက ‘မက်လောက်စရာ’ စီးရီးနဲ့ အရမ်း ပေါက်နေတဲ့အချိန်ပေါ့သူက ကျွန်တော့်ကို ဖုန်းဆက်ပြီး သီချင်းအပ်တယ်။ အဲဒီတုန်းက အလိုတော်ပြည့်ဆရာတော်ကြီးရဲ့ အရိပ်အောက် မှာနေတယ်။ဆရာတော်ကြီးရဲ့ကျောင်းမှာ နေတာပေါ့။ အဲဒီတုန်းက ဝိုင်းစုကို သီချင်း ၃ ပုဒ်ရောင်းခဲ့တယ်။ တစ်ပုဒ်ကတော့ သူ့ရဲ့ ‘အာ ဘွား’ စီးရီးမှာပါတဲ့ ‘အပြစ်မဲ့သက်သက်’ ပေါ့။        ပြီးတော့  ‘ပြန်လာခဲ့ပါ’၊နောက်တစ်ပုဒ်ကတော့ သူ မသုံးတော့ဘူးထင်တယ်။ ရောင်းခဲ့ပြီးတော့ အဲဒီသီချင်းရဲ့ အမှတ်တရက ရခိုင်အဆိုတော် တစ်ယောက်လည်း   ဖစ်တဲ့ မစိမ်းလဲ့လဲ့က ‘စိုင်း တရားမြင်းခွာသံ’ အမှတ် ၂ ခွေထဲမှာ ထပ်ပါ တယ်။

အဲဒီတုန်းက လင်းစတူဒီယိုထဲမှာ အသံ သွင်းတုန်းက သီချင်းလိုလို့ ဝိုင်းစုကိုရောင်းပြီး သားသီချင်းကိုversionပြောင်းပြီး ဆိုပြတော့ ကြိုက်တာနဲ့ ထည့်ဖြစ်သွားတာပါ။ ဖြစ်ချင်တော့ ရခိုင်လိုဆိုထားတဲ့သီချင်းက အရင်ထွက်လာ တယ်။တကယ်တမ်းတော့ ကျွန်တော်က ဝိုင်းစု ကို အရင်ရောင်းထားပြီးသားပါ။ ဝိုင်းစုကို ၂ဝဝ၉ ခုနှစ်လောက်က ရောင်းထားခဲ့တာပါ။ အခွေထွက်တာက မစိမ်းလဲ့လဲ့ဆိုပြီး ၂ဝ၁၁ မှ ထွက်တယ်။ ရခိုင်ပရိသတ်တွေက အဲဒီသီချင်း ကို အရမ်းကြိုက်တယ်။ ပြီးတော့မှ ဝိုင်းစုဆိုတာထွက်လာတဲ့အချိန်မှာ ရခိုင်သီချင်းကို ပြန်ဆို တယ် ဖြစ်ကုန်ကြရော။ တစ်ဖက်နဲ့တစ်ဖက် ထင်ယောင်ထင်မှားတွေ  ဖြစ်ကုန်ကြတယ်။ အဲဒီတော့မှကျွန်တော်လည်း အစကအဆုံး ပြန်ဖြေရှင်းပေးရတာကတော့ အမှတ်တရအဖြစ် ဆုံးပါပဲ။

သီချင်းတစ်ပုဒ်ကိုversionပြောင်းရတဲ့ အခါမှာ အားစိုက်ထုတ်စရာတော့ သိပ်မရှိပါဘူး။ရခိုင်လိုရည်ရွယ်ပြီး ရေးထားတာကို မြန်မာလို ပြန်ရေးရင်တော့ စာသားတွေ သီချင်းတွေက ပေါ့သွားတတ်တယ်။ လေးလေးနက်နက် မဖြစ် တော့ဘူး။ မြန်မာလိုရေးတဲ့သီချင်းတွေက ပြောင်းဖို့လွယ်တယ်။ လူတွေအမြှာတော့ ကျွန်တော်တို့ အနုပညာသမားတွေက အေးချမ်း တယ်၊ ငြိမ်းချမ်းတယ်၊ သာယာတယ်လို့ ထင်ကြ တယ်။

ဒါပေမဲ့ တကယ့်တကယ်ကျတော့ နာမည်က နုသလောက် ဘဝက အရမ်းခက်ခဲ ကြမ်းတမ်းပါတယ်။ ကိုယ်တွေက ပြည့်စုံတဲ့သူ တွေမဟုတ်တော့ဘဝရော၊ အချိန်တွေရော အကုန်လုံးကို ဥပေက္ခာပြုပြီး၊ ရင်းပြီး ကြိုးစားခဲ့ရ တာဆိုတော့ပြောပြရမယ်ဆိုရင် အရှည်ကြီးပါပဲ။ အခက်အခဲက အများကြီးရှိပါတယ်။ ဒါပေမဲ့ ကြိုးစားမှုက မရပ်သွားဘူး။ ဆက်ကြိုးစားနေ တယ်။စိတ်တွေ အခါခါပျက်သွားခဲ့တယ်။ ဒါပေမဲ့ နာလန်ထူအောင် ပြန်ထတယ်။ ဒီလိုပဲ နိမ့်လိုက်၊ မြင့်လိုက်၊ ထလိုက်၊ ထိုင်လိုက်နဲ့ပဲ ကြိုးစားရတာပါ၊ မလွယ်ပါဘူး။

စည်သူဟိန်း

Both comments and pings are currently closed.